Co ha tut entschiet?

„Igl atun 1986 ein Alfred Monn e Robert Caduff, dus amaturs dil tscheiver, vegni sin la stupent’ idea, da fundar ina musica da tscheiver. Els han ponderau empau la caussa ed ein ira sin la tscherca da musicants. En tut han els anflau 18 dels. Suenter ina radunonza vegn ei fixau in emprem exercezi. Las ideas da mintga musicant vegnan representadas. Ei vegn decidiu da crear in costum da tscheiver. Gia suenter duas jamnas ha la suprastonza saviu presentar in vestgiu fatg ord sacs da caffè. Il num dalla gruppa, „Ils Vagabunds“, exista sin fundament da quei vestgiu da sac. La vendita da medaglias duei sligiar il problem finanzial. Robert Caduff ei dall’ idea, ch’ins savess vender mintg’ onn in bustab dil num SEDRUN. Naven digl onn 1987 essan nus separticipai a differents tils e fiastas da tscheiver. Per exempel Mustér, Segnas, Trun, Tavanasa, Crap Sogn Gion, Laax e secapescha era Sedrun. Dapi entgins onns organiseschan ils Vagabunds la gievgia grassa, ina sera da barlot cun differentas musicas da tscheiver.