Inaga zatgei auter


Cunquei che nus havein ils davos onns adina giu da cumbatter cun adina pli pauca glieud a caschun da nossa Gievgia Grassa essan nus sedecidi d’empruar ora enzatgei niev. L’idea prinzipala ei che nus possien puspei carmelar dapli glieud a nies tscheiver e quei cunzun la sera. Nies concept vesa ora suandont: Dadens il plaz communal lein uss erreger in pign vitget da fiasta. Quei vul dir ina tenda da fiasta cun tribuna, ina pintga bar ed in carret per dustar la fom. Vinavon astgan participonts dil til bugen era exponer lur carr sil plaz da fiasta. La tenda da fiasta ha aviert atras naven dallas 15:00- open end.

 

Il program dil di vesa ora suandont:

Program dil di

13:15 Semetter si per il til

13:30 Entschatta dil til naven dalla staziun - punt tgamura – Tgésa communala (gliesta da succesiun vegn partida avon il til)

Ca. 15:00-18:00 Producziuns dallas musicas da tscheiver en tenda sin plaz communal per pign e grond

 

Program sera

La sera da tscheiver vegn aviarta da tut las musicas da tscheiver allas 19:30 cun in concert monstrus sil plaz da fiasta. Mintga gugga suna in toc ed alla fin sunein nus tuts ensemen il marsch da tscheiver.

 

20:30-02:00 Producziuns dallas musicas da tscheiver en tenda sin plaz communal.

02:00-???? After Party el Peanuts

 

Naven dallas 18:30 uras e denter las producziuns eis ei procurau per Live music.

Nies anteriur commeber Dario Hess cun sia band vegn a procurar per ina buna atmosfera en tenda da fiasta.

 

 

Ulteriuras informaziuns:

La tenda vegn scaldada per ch‘ins stoppi buc schelar peis. Installaziuns sanitaras ein era avon maun. Cunquei ch’ei duess esser ina fiasta per il pievel ei l‘ entrada gratuita. Mascras ein naturalmein era beinvegnidas. Detagliadas informaziuns saveis prender ord il plan da situaziun aschuntau. Per il retuorn a casa ei il bus da notg entochen Breil e Glion organisaus.

Nus sperein che nus sappien carmelar ina massa glieud cun nossa nova idea, cunzun sperein nus sil sustegn da las musicas da tscheiver cun nies project.

Tier damondas astgeis vus s‘ annunziar tier igl OK dalla Gievgia Grassa 2018 Adrian Vincenz.